16,August 2121

ለስኳር ህመም ሊያጋልጡ የሚችሉ ነገሮች

የስኳር ህመም የተለያዩ አይነቶች አሉት። ይህም አይነት አንድ፣ አይነት ሁለት፣ በእርግዝና ወቅት የሚከሰትና በሌሎች ህመሞች ምክንያት የሚከሰት ተብሎ ይከፈላል። ለስኳር በሽታ የሚያጋልጡ ምክንያቶች እንደስኳር በሽታዉ ዓይነት ይወሰናል።

ለአይነት አንድ (Type I diabetes) የስኳር አይነት የሚያጋልጡ ነገሮች

አይነት አንድ የስኳር አይነት የራሳችን የበሽታ መከላከል የራሳችንን ሴሎች በሚያጠቃበት ወቅት የሚከሰት ነዉ ተብሎ ይታሰባል። ለህመም ሊያጋልጡን ከሚችሉ ነገሮች ዉስጥ

· በቤተሰብ ዉስጥ መሰል ችግር መኖር፦ በቤተሰብ ዉስጥ ማለትም አናትና አባት፣እህት ወንድም አይነት አንድ ስኳር መኖር

· እድሜ፡- አይነት አንድ ስኳር በየትኛዉም የዕድሜ ደረጃ የሚከሰት ቢሆንም በብዛት ሊከሰት የሚችለዉ ግን በልጅነት፣በታዳጊዎችና ወጣቶች ላይ ነዉ።

ለአይነት ሁለት (Type II diabetes) የስኳር አይነት ሊያጋልጡ የሚችሉ ነገሮች

· ቅድመ-ስኳር (prediabetes) መኖር

· ያሰዉነት ክብደትዎ ከፍተኛ ከሆነ

· ዕድሜዎ ከ45 ዓመትና ከዚያ በላይ መሆን

· በቤተሰብ ዉስጥ ማለትም አናትና አባት፣እህት ወንድም አይነት ሁለት ስኳር መኖር

· ፖሊሲስቲክ ኦቫሪያን ሲንድረም የሚባል የሆርሞን መዛባት ችግር መኖር

· በሳምንት ከ 3 ጊዜ በታች አካላዊ እንቅስቃሴ የሚያደርጉ

· በእርግዝና ወቅት የስኳር ህመም ተከስቶ ከነበረ ወይም ከ4 ኪሎ በላይ የሚመዝን ህፃን ወልደው የሚያውቁ

· ከመጠጥ ጋር ያልታያያዘ የጉበት ስብ መሆን ችግር ካለዎ

· ከፍተኛ የሆነ የሰዉነት ስብ መጠን( የኮሌስትሮልና ትራይግለሴራይድ መጠን) መኖር

ከእርግዝና ጋር የተያያዘ የስኳር ህመም (Gestational diabetes)

· ቀደም ባሉት የእርግዝናዎ ወቅቶች ከእርግዝና ጋር የተያያዘ ስኳር መኖር

· ከዚህ ቀደም 4 ኪሎና ከዚያ በላይ የሆነ ልጅ ወልደዉ ከሆነ

· የሰዉነትዎ ክብደት ከመጠን በላይ ከሆነ

· ዕድሜ ከ25 ዓመት በላይ መሆን

· በቤተሰብ ዉስጥ አይነት ሁለት ስኳር ህመም መኖር

· ፖሊሲስቲክ ኦቫሪያን ሲንድረም የሚባል የሆርሞን መዛባት ችግር መኖር

You May Also Like